2:28 م
Unknown
طبعًا سعيد فى رَقْدِتَكْ
شَمْتَان أكيد وِشَماتَه بْخُبْث
شايْف اللّى وِرْثوا دَوْلتَك
بِيشغَّلُوها بنَفْس الكوبْس!!
أهو الميدان مَاماتْشْ
أبدًا.. ومش حيموُت
جماهيرُه ماتِتْهَزَمْشْ
دقَّق قَوِى فى الصوت!!
الديكتاتور.. الشُّغل فيه مازال
نُسْخه تبُوظ.. فَيِنحتُوا التّانية..
ساعات كتير يُخرُج عن التِّمثال
وِيِرْتِجل.. فيبوَّظ الدُّنيا!!
خُطَب.. مالِيها الهَنْك والرَّنْك
كِتيرها.. زىّ القَلِيل
لا سَقَّطُوا مَدْيُونات بَنْك
ولا اشْترُوا المحاصيل!!
خُسارة.. كُنت قَامَة واستقامَة
لا هوُ سلطان ولا انت مِن المَوالِى.
عَمَلْت.. اللى ما تِنفَع فيه ملامَة
(أَذَلَّ الحِرْصُ أعناقَ الرِّجالِ..)!!
مربعات الأبنودى - التحرير
Posted in: شعر
0 التعليقات:
إرسال تعليق