1:42 ص
Unknown
إقرأ معى الخبر التالى المنشور بجريدة الأخبار اليوم .
" بعد أداء
صلاة الفجر مباشرة . قام د.هشام قنديل رئيس الوزراء بجولة مفاجئة في الجيزة حيث
تفقد عددا من المخابز بدير الناحية بكرداسة للوقوف علي توفير وجودة الخبز المنتج
للمواطنين . "
إنتهى الخبر .
بجد الكلام ده ؟ فيه
مخابز فى جمهورية مصر العربية بتفتح فى الفجر وتكون عملت عيش كمان ؟
المخابز عندنا فى مدينتنا من أيام العهد البائد لاتفتح
وبالأوامر قبل التاسعة صباحا أو قبلها بقليل فى بعض المخابز وكلها 3 ساعات وينفض
المولد , أما حكاية فى الفجر فده كان زمان , ده تاريخ وإتنسى , طب والمخبز بتاعة الفجر ده حايشتعل كام ساعة بعد الفجر ؟ والله مامصدق , أنا فى ذهول , بجد فيه
مخابز بتفتح فى الفجر ؟ لو حد يعرف يقول لى .
وبهذا إما أن يكون الخبر صحيحا ومدينتنا نايمة فى العسل
وأصحاب المخابز بيضحوا علينا وإما أن يكون الخبر فبركة صحفية حكومية للتجميل وبرضه
كده بيضحكوا علينا .
لأ وإيه , بص فى الصورة وإتمعن , رئيس الوزراء واقف أمام
بعض أرغفة الخبز المرصوصة أمام الفرن الذى
لا يعمل ولايخرج خبزا جديدا وكأن هما دول شوية العيش المطلوبين للتصوير .
أرجع تانى لسؤالى الأولانى , هو فيه حاجة إتغيرت فى مصر ؟
 |
| رئيس الوزراء أثناء تفقده بعض الأرغفة المعروضة والفرن متوقف عن العمل |
Posted in: خبر ورأى
0 التعليقات:
إرسال تعليق